做HIFU都唔夠…要HIFU,不如要CLINICZ水原共生

 
每個女人都想愈來愈年輕,但睇番幾年前嘅相,總會睇到宜家臉上d歲月痕跡,好彩宜家只要有少少錢,又唔懶嘅話,要做美魔女都唔係想像咁難。好似近呢一年周街都見到有HIFU做,就連商場仔嘅細美容院都話有HIFU做,不過HIFU價錢由幾百去到幾萬都見過。對女人黎講,錢真係唔係最重要,無左可以再搵,青春無左就無左。所以我地可以拎過萬嘅手袋,自然都肯花錢做好貴嘅療程,重點係:HIFU係咪有用? HIFU係咪可以令我地變番靚女?!
 
我又唔會話HIFU貴一定效果最好,真係要試過先知。不過貴就真係會有六星級服務比你嘆,環境都會靚d ,女人幾時都要對自己好d嘛。今次我就試左兩間,第一間係
$680 150HIFU 試做的Slim beauty,唔知代言人係邊個,不過佢歷史悠久,愈來愈多分店,仲要咁平,我諗唔到一個理由唔去試,於係就上網登記試做。佢地尖沙咀分店地段好方便易搵,但上到去間店好細,暗到好似去左骨場咁。不過係但啦,$680 做個普通facial 都要啦。
 
間房好細,好暗,但有家嘅感覺
 
聽顧問介紹療程就預左,$680 150HIFU,只夠做下半面,主要focus V 位,如果唔夠可以加多 $1580/100發,再唔夠再加 $1580/ 100發,總之你可以買好多個$1580 /100HIFU,咁做全面HIFU通常300-400發,即$3840 可以做到全面HIFU,真係好平。正價就要 $9800,都比其他美容中心平少少。不過我好堅持先做 $680,睇左效果先。
 
 
報告下療程效果:
 
開始之前,顧問用佢部 note X幫我影相 (用嚟做療程前後比較),但間房好暗,咩都影唔到 -.- 不過我自己都知自己嘅問題嘅,就同佢講想focus 咀側邊果兩舊肉仔。原幫我做HIFU的人都係呢個顧問因為見平就唔要求咁多了。開始做HIFU時,無咩感覺,唔痛嘅,做左大概15分鐘就換HIFU機嘅頭,由3.0mm 機頭轉做4.5mm機頭,感覺大少少,但都唔痛。HIFU完一邊面之後,見到有提升左,舊肉扁左少少。不過唔係話即時好V ,仲有少少腫,呢個係做HIFU嘅正常反應,第二日瞓醒就無事了。
 
後黎我先醒起佢無同我做1.5mm機頭,當時我都有問,佢話1.5mm
for改善表皮,佢目測完話我皮膚好,唔太需要做(咁都得?),但我覺得又無咩儀器Test過,你齋睇話咩就咩,呢個位有d 唔專業
 
 
*** 講下咩係1.5mm3.0mm4.5mm HIFU機頭先!
 
HIFU有兩大效果,3.0mm機頭做到嫩膚去皺,4.5mm機頭可以拉提重塑Shape面形,1.5mm機頭係針對真皮層至淺層肌膚的治療,範圍包括額頭、全面,即使眼附近的位置好似眉心、眼尾及咀唇附近都可以處理。
 
今次我試做的HIFU機係韓國的Ultraformer
III
 
清潔肌膚後,顧問幫我敷上保濕面膜,除了深層補濕,還有即時修復功能,幫助消除泛紅情況。
 
HIFU拉提係高能量的療程,完成後肌膚會比較乾,所以要每天敷補濕maskHIFU的緊緻效果,已經即時可以感覺到,但明顯的效果就要等待2-3星期才可以見到,顧問話HIFU 療程的輪廓提升效果可以維持6個月,希望真係keep 到,如果可以,就唔使再接受微整型打針,HIFU高能聚焦超聲波療程將會係我另一個選擇。
 
總的黎講,我對今次HIFU 的提拉效果都算滿意,只係環境未夠高級,而且永遠都係同一個顧問黎serve你。最concern 係皮膚做完真係乾左,最近開始凍,皮膚仲有少少甩皮,雖然佢即時比mask你敷,但係女人都知,d mask 敷完果1分鐘就有用,瞓醒覺就咩都無啦! 所以之後我就主力去搵一間可以一條龍幫我解決肌膚所有問題的方法。
 
 
詩琳  HIFU   vs     CLINICZ   MDS
 
最近行過地鐵都成日見到個金金地,JM 做代言嘅brand CLINICZ,主打療程叫水原共生,都唔知咩黎,成個廣告又咩都無,搞到我好好奇,就上佢FB 睇下。水原共生話可以一次過做到膠原增生+拉提 (即係HIFU啦,不過佢地部機叫MDS,話比HIFU更強),最吸引到我係佢有埋即時補水、鎖水功效,咁就正中下懷啦! 我就係想做完HIFU都好水亮水潤。
CLINICZ間旗艦店在尖沙咀The One 8 樓全層,如果上扶手電梯一上到8樓,已經見到呢個又大又靚,仲好modern的大堂。
 
CLINICZ旗艦店環境好光猛,光線非常充足,樓底又好高,坐得好舒服。
 
CLINICZ開始療程前會先要我在Tab上填個form,鬼咁長,好煩。之後個顧問同我做皮膚及輪廓測試,叫720 Scan Genius,呢個儀器可以360度睇清我的輪廓,睇到邊度最需要改善 (好過用部手機幫我在黑媽媽房度影張相)720 Scan
Genius
最勁係將最新VR拍攝原理,用在輪廓測量及記錄上,利用光學線點定位,3D高清全方位檢視面部輪廓,精確辨識可提升空間,仲有Skin Test肌膚紋理顯影測試分析我嘅皮膚狀況,用皮膚格仔紋睇下彈性同埋水份 (其實FanclLaneige都有呢d skin test,唔係咩新野,不過CLINICZ做得幾仔細)
 
 
清楚晒我的皮膚及療程的所有資料,會有治療師帶我入房。每次療程都會有一個顧問+一個治療師跟,感覺好尊貴,d 人有仔細分工感覺會專業d !
 
 
報告下療程效果整個水原共生療程分3STEP進行:
 
Step 1係膠原激活 – MDS膠原激活技術
 
話說膠原蛋白佔肌膚70%*,激活大量膠原蛋白增生,有足夠的膠原先有效鎖水,大大提升肌膚彈力和鎖水力,深度拉提輪廓,皮膚彈滑緊緻。呢部MDS就係做到增生膠原和HIFU效果我都做過好幾款不同的HIFU,比起Slim beauty果部HIFUMDS做嘅過程好快,同一時間可以做晒3.0至到4.5mm全層,所以我做晒全面都快過在Slim beauty做一個部位。做完都係即時見到效果,呢度無計發數,總之一次過睇你需要,做到有效果為止,咁就明碼實價d,無咁容易失預算。
 
 
Step 2就係水養膠原 – PTLI激光水脈導入
 
趁住膠原被激活嗰一刻,即時注入超級水分子。呢部醫學級科技PTLI精確偵測細胞壁膜開合節奏,抓緊吸收力的黃金時刻,趁細胞膜打開一刻,注入CLINICZ獨有的SR140高濃度水份因子,即時為細胞注水。呢part做完之後,即時見到皮膚bling bling 咁好水亮,即時幫我解決埋做HIFU後皮膚乾巴巴嘅問題。
 
 
Step 3 用 SR140 強化效果— S2延效再生組合 
 
由治療師幫我專業配製皮膚營養素,由SR140 肌膚重建元素中,嚴選珍罕生長因子、肽因子、修復因子及抗氧化分子而成,可以強化肌膚機能,再戴上iron man 頭盔其實係Spectrum Healight
830 
修復光譜,將營養液導入肌底層。啟動真皮層水與膠原的共生循環系統,令膠原再生力持續不斷,延續水潤、彈滑、緊緻效果。做緊時已feel到皮膚收緊,做完更加見到毛孔細緻左、皺紋拉平左。
 
 
即時做完無紅無腫,皮膚仲好光好令
 
CLINICZ水原共生療程做完唔會好似HIFU咁乾,亦真係有效做到深度拉提輪廓,皮膚有返緊緻彈性,除左即時有效,療程後每個星期都會見到皮膚越黎越水亮彈滑。成個療程只需要90分鐘,治療程建議八星期內進行全套療程(共4次)話咁樣可以維持最佳效果。佢地會同客人在療程後7日、14日、21日約做720 Scan Genius + skin test,其實係好煩,不過都係自願性質,我地唔再上去佢都無法;但我都想睇下d 皮膚格仔有無靚到,同埋係咪真係keep
21日咁耐囉,所以我都番左佢,哈哈~~
 
其實女人都中意有被寵嘅感覺,所以如果比得起,我會寧願去靚d 嘅地方,比好多人serve,同埋要個全面d 嘅療程~~~ 但如果大家想平平地試下HIFU嘅,就可以搵d Trial 價去做下小部位嘅,真係決定認真地長期做嘅話,就對自己好d,揀間最好嘅比自己啦!
 
 
試做完CLINICZ有啲興趣,就上網搵料見到呢幾篇相關文章值得一看:

 

 

 

Advertisements